Come away with me...

Hanggang kailan hihinto ang mga alon ng dagat?
Katulad ito sa inilagak kong damdamin, tuloy-tuloy
Paano mapansin ng mga agos ang naiiwan kong bakas sa buhangin?
Maliliit na marka ng aking mga paa ay ibinubura lamang nito.

Paano ko masabi sa mga ibong gumagala sa itaas ang aking nasa?
Malayong malayo ang mga ito...
Hanggang kailan ako ganitong nakatingala?
Hanggang kailan ko kimkimin ang nais kong ihudyat?

Kaagapay koy luha lamang...
Iniiwan, binabalikan ako ng mga agos ng tubig.
Pero walang saysay ang lahat.
Kahit kailan, hindi ko maangkin ang dagat.

Kasabay ko'y hikbi lamang...
mga alaala ay wala na ngang yaman...

Post a Comment